هو عبارة عن نظام لزيادة الهجوم و الدفاع السحرى و العادى لجميع الشخصيات بالاضافة لزيادة الدم و زيادة جميع خواص Sub Class (الاختراق - الضربة الحاسمة - المناعة - الخ بالنسبة لكونكر العربى )
يعتمد النظام على الحظ و السى بى اس معا لكى تصل لأقصى استفاده منه
ده جدول يوضح ما يقدمه النظام من اضافات
1-P-Strike هو زيادة نسبة الكريتكال استرايك الخاصة بالهجوم الجسدى الخاص بالشخصيات القتالية زى التروجان و الورير و المونك الخ النسبة بتزيد من 1-20 فى المية على حسب حظك فيما ستحصل عليه (الخاصية دى فى كونكر العربى هى الضربة الحاسمة )
2-M-Strike هى زياد نسبة S critical strike الخاصة الهجوم السحرى للفير و الوتر (الضربة الحاسمة الخاصة بحواه النار ) نسبة الزيادة 1-20 فى المية على حسب حظك
3-Immunity هى زيادة نسبة Immunity مضااد الكريتكال استريك (الحصانة ) نسبة الزيادة من 1-20 فى المية
4-Break هو زيادة نسبة Breakthrough (الاختراق ) نسبة الزيادة من 1-20 فى المية
5-Anti-Break هو زيادة نسبة counteraction مضادد البريك (مضادد الاختراق ) نسبة الزيادة من 1-20 فى المية
6-Max HP زيادة دم الشخصية من 1000-5000
7-P-Attack زيادة الهجوم العادى بمقدار 500-2000
8-M-Attack زيادة الهجوم السحرى بمقدار 500-2500
9-M-Defense زيادة الدفاع السحرى بمقدار50-250
10-Final P-Atk زيادة الهجوم النهائى على اى هدف سواء لاعب او وحش بمقدار 50-500
11-Final P-Dmg تقليل الهجوم الجسدى النهائى بمقدار 50-500 يعنى بيقلل الهجوم من الشخصيات او الوحوش بس الهجوم الجسدى يعنى الضربات السحرية مش بتتأثر بيه
12-Final M-Atk زيادة الهجوم السحرى النهائى بمقدار 50-300
13-Final M-Dmg تقليل الهجوم السحرى النهائى بمقدار 50-300
شروط الاشتراك فى نظام تشى
النظام مكون من 4 بوبات
1-التنين عشان تشترك فيه لازم تكون ريبورن ليفل 110
2-العنقاء عشان تشترك فيه لازم تكون ريبورن ليفل 110 و يكون اسكوار بوابة التنين اكتر من 300
3-النمر عشان تشترك فيه لازم تكون سكند ريبورن ليفل 110 و يكون مجموع نقاط بوابة العنقاء اكتر من 300
4-السلحفاة عشان تشترك فيه لازم تكون ليفل 110 سكند ريبورن و يكون مجموع نقط بوابة النمر اكتر من 300
عشان تشترك فى النظام ده هتدوس على كلمة status و هتتفتحلك القائمة دى و هتدوس على الاختيار اللى متعلم عليه بالاصفر
هيتفتحلك قائمة بالشكل ده
زى ما باين فى الصورة معاك 4000 تلاف بوينت و هتدوس على كلمة Unlock عشان تفتح اول بوابة اللى هى الدراجون
بعد ما فتحت بوابة الدراجون هتلاقى كلمة study مكان كلمة unlock هتدوس على استدى هتلاقى قائمة اتفتحت البشكل ده
نوضح بقى ايه اللى فى الصورة اولا لون الخاصية بيدل على النسبة اللى حصلت عليها منها ترتيب الالوان من الاقل للأعلى
1-الابيض و ده اقل نسبة ممكن تحصل عليها
2-الازرق
3-الاخضر
4-البنفسجى ولاكن فى اللعبة شبيه باللون الاحمر
5-الدهبى
6-البرتقالى و ده يعنى اعلى نسبة اللى هى 20 فى المية
فى اربع مربعات فى الصورة و كل مربع مكتوب فى الخاصية بتعته (تم شرح الخواص فى اول الموضوع)
كلمة study دى هتخليك تدرس الخواص (الخواص كلها موجودة فى جميع البوابات الاربعة بمعنى انك ممكن تقرر الخاصية 4 مرات او اكتر على حسب حظك )
لما بتدوس استدى النظام بيختار الخواص و نسبتها عشوائى بمعنى ممكن يجيلك اى 4 خواص من ضمن ال 13 بصرف النظر عن شخصتيك
و لازم يكون مجموع الخواص كلها اكتر من 300 (كل خاصية بيبقى مكتوب قدامها الرقم الخاص بيها ) لازم يكون المجموع اكتر من 300 عشان تقدر تفتح البوابة اللى بعدها طيب اقل لو ممكن نجيبه من الالوان ال 6 عشان المجموع يبقى 300 او اكتر هو اللون الاخضر
